kyrkjehistorie

Nå er det så lengje sidan eg har referert noko frå pensumlitteraturen min, så eg synst det er på tide att.

Desse sitata er alle henta frå same boka, Norsk kirkehistorie, med forfattarane Bernt T. Oftestad, Tarald Rasmussen og Jan Schumacher. Versjonen eg har er frå 1991. Alle er utdrag frå historia om innføringa av reformasjonen i Danmark-Noreg, og er skrivne av Rasmussen.

s. 89: "Likevel var det ikke tale om noen mobilisering for den gamle tro fra et samlet dansk episkopat: Biskopene var jo nå først og fremst adelsmenn, og mange av dem var uten en teologisk innsikt som kunne gi dem grunnlag for en åndelig offensiv mot den nye bevegelsen"

s. 123: "Ellers framheves det at man ikke skal la altergangen bli en vanesak, for det fører til at "Gud den Allermechtigste osz atskillige Siugdom oc Plager tilskicker"." (Sitatet i sitatet er frå "Forordning om Kirckens Embede oc Møndighed mod bodferdige, sampt om atskillige Geistlighetens Forhold" frå 1629)

s. 133: "Kanskje var nettopp disse preknene noe av bakgrunnen for Christian IVs forordning av 22.4.1645 ned forholdsregler "mod Soven i Kirkerne", der det ble bestemt at man skulle beordre noen utvalgte personer til å gå rundt i kirken med lange kjepper under gudstjenesten og slå dem som sov på hodet for å holde dem våkne. Men denne forordning ble neppe fulgt opp i noen særlig utstrekning."

Thomas Aquinas

This church has got three parts. One is on earth, another is
in heaven, and the third is in purgatory.

Slik var det i mellomalderkyrkja. "Purgatory" - skjærselden høyrer ein ikkje mykje om lengre. Det er ganske interessant å lesa pensum på mf. Denne gongen Reformation Thoughts skriven av Allister E. McGrath.

Lesing

Dagens framsideoppslag i papirutgåva til Dagsavisen (finn ikkje artikkelen i nettutgåva...) var at mange rektorar her til lands meiner at mykje av ansvaret for dei (atter ein gong...) dårlege resultata på PISA-testen ligg hjå elevane sine foreldre, og ikkje lærarane. Mora som vart intervjua i artikkelen seier at ho nyttar den tida ho har til råds og les med borna sine.

Eg trur at noko av utfordringa ligg i forståinga av kva "lesing" er. Det mange umiddelbart tenkjer på er nok skjønnlitterær lesing. Det å setja seg ned saman i sofaen eller på sengekanten, og lesa ei forteljing. Og sjølvsagt er dette viktig - men lesing er så mykje meir enn det! Og for dei fleste av oss er det noko som me gjer så ofte og så automatisk at me ikkje legg merke til at me les.

I går vart eg med ei venninne og dei to borna hennar til Spikersuppa for å stå på skeiser. Guten på 6,5 år las heile vegen på t-banen inn til byen. Han las ikkje ei bok, men han las reklameplakatar, informasjonsmateriell om Ruter sin kollektivtransport, klesmerka på menneska rundt oss, skilt... Dette er kvardagslesing som ikkje tek ekstra tid - men det er minst like viktig som forteljingane me les! Mellom anna lærer dette den lesande at lesing faktisk har nytteverdi, og ikkje berre underhaldningsverdi. Til dømes kunne han lesa kor lenge skeisebanen var open og kor han kunne leiga skeiser.

Her illustrert ved systera på 4.

(Ja. Lærar.)

Valkamp

Eg stiller til val til Menighetsrådet i Lambertseter no frå hausten. Og eg har kjempelyst til å bli med! 6 stk skal inn som faste medlemmer, og eg står som nr 6 på lista... Og sidan eg flytte til Lambertseter i oktober i fjor, altså for mindre enn eit år sidan, og ikkje vart aktivt med i kyrkjelydsarbeid før etter jul, så er det jo ikkje så skrekkeleg mange som kjenner meg endå, medan dei kanskje kjenner mange som står under meg på lista, så dermed er det ikkje sikkert eg får fast plass på grunn av kummuleringar (er det det det heiter) (hihi, der fekk eg til den fine tingen som er så vanskeleg for folk med rikare språk enn norsk å forstå..!), så eg driv valkamp!

Ein del av kollegene mine på Mortensrud bur på Lambertseter, og kan såleis stemma på meg (og Ingvild, sjølvsagt!) ved kyrkjevalet. Strålande! Kanskje vinn eg heile valet?

Hei!

Eg har hatt sommarferie. Men no er den over. Så her har du meg att!

I dag har eg vore på infomøte for nyansatte lærarar på Mortensrud Skole. Det er altså min arbeidsplass det komande året. I morgon er fyrste planleggingsdag.

Og så har eg oppdatert meg på nokre bloggar. Men det er fleire eg ikkje har vore innom endå... Ta det med ro, eg kjem snart!

Sykkelen min er levert inn på verkstad til ein sjekk og elixia-kortet skal snart aktiviserast att. Med andre ord, eg skal bli sprek!

Vil du koma på besøk? Eg har tusen eple i hagen!

easily absorbed

Eg sit og skal skrive ei oppgåve om websider om Maori-kulturen. Men eg vert altfor oppteken med å lesa om kulturen, om tatoveringane, om naturreligionen og om språket til å skriva oppgåva. Aller mest oppreken vert eg med å læra språket. Alt ein kan finna på den store verdsveven!

Det er litt fint og...

Forrige fredag var eg vikar på Lambertseter Skole, i ei gruppe på tredje trinn. Lettare forvirra går eg ut i skulegarden med ein svær kasse full av Early Start-effekter klokka kvart over 8, for det er då skuledagen byrjar her, får peikt ut elevane som er mine for dagen av ei anna lærar på trinnet, dei er i ferd med å stille seg opp på rekkje. Ungane fremst forstår kjapt at det er eg som skal vera saman med dei idag, og spør kva me skal gjera i fyrste time, kor me skal vera, når me skal lesa brev og om nokon kan få lov til å lesa gåter i matpausen. Desse små skuleelevane har ikkje fått på plass dei sosiale hemningane som pregar folk i samfunnet endå. Dei kjem nok etterkvart, men førebels vert dei bestevener med einkvar som møter dei med eit smil.

Sjølv må eg berre late som om ikkje eg heller har slike hemningar. Det er litt fint.

Eg er benka framfor fjernsynet med ein nysteikt grandis, ei mjelk, ei skål knaz og litt rosiner, samt litt handarbeide ved mi side. Alt er tilrettelagd for ein fin kveld!

Onkel er på Ullevål. Då han kom på tysdag kjøpte han litt ekstra extra; ein kupong kvar til meg og Gunn June. Eg var 2 frå bilete... Og så kjøpte han eit kryssord-flaks til kvar av oss. Snille onkel! Eg vant femti kroner på mitt, og veksla det inn i eit nytt kryssordflaks og eit nytt flakslodd som heiter reiseflaks. No skal eg skrapa!

Dei to siste dagane har eg vore vikar på Munkerud skule som ligg 12-15 minuttar frå meg. Eg har mellom anna joika for elevane. Eg kan ganske nøyaktig ein joik...

Dette er skapdørene på rommet mitt. "tetelestai" er eit hebraisk ord (trur eg?), som i norske biblar vert oversett med "det er fullbrakt" - Jesu siste ord på krossen. Men ordet er så mykje meir... I gamal tid var dette ordet som vart skriven på rekningar etter at dei var betalte, og same ordet vart stempla på attestar som sa at ei straff var ferdig sona. Den franske oversetjinga liknar på ordet "perfekt". Eg vart minna på ordet att i bibelgruppa gjennom boka me les der - "Mer lik Jesus", skriven av Rick Warren, mannen bak "Målrettet liv" og "Målrettet menighet". Det er heilt fullstendig ferdig, heilt over, alt er gjort ferdig, straffa er sona, synda er betalt!

I am writing my journal entries.

Last weekend I was on the train, basically. Home for my aunts 5oth birthday party. An the train brought me between Oslo and Stavanger (from which I took boat/bus), app. 8 hours each direction.

So, what do you do on a train for such an extensive time period? You bring your new book about crocheting of course!
On my way there, I learnt some new stitches and made a "gryteklut" that got almost finished. I didn't have enough yarn for finishing... Anyway, I left it at home. And there I also left the vintage bottle warmer I started on.

So, on the way back I had to start over with some new things! So I tried a wave pattern with double crochet stitches:But I want some more yarn in different colours to finish it.

And I learnt how to do tunisian crocheting (hakking):These three panels are made in "enkel", "rett" and "vrangvendt" tunisian crocheting. (My book is in Norwegian so I don't know the correct English names...) The plan is to make several panels in different colours and turn them into more "grytekluter". Do they always twist like this?

And lastly, when all I had left was white cotton, I made this little hexagon thingy with spirals:

Back in Oslo I have been working on a very large and baggy Turn-A-Square which will fit my head of dreads:

The poor thing has been waiting for me to find the dpns for a long time now so I can finish the bind-off... Almost done. I used some left-over yarn. The white is Denim Chunky from Sirdar and the purplish one is Shadow Tweed from Patons. Needles 6mm. Don't remember how many stitches I cast on... But I increased several times afterwords.

This summer I started working on a baby jacket in BabySilk from DSA. It looks like this now:

And I've started a Kiri-shawl in Tynn Alpakka from DSA:

I love DSA.

Joy to the fishes in the deep blue sea

Etter at eg måtte kjøpa meg ny mobiltelefon i vinterferien (fin og rosa) sidan den andre døydde, har eg begynt å høyra på radio når eg går til og frå skulen og anna. Det er ei ny oppleving for meg. Eg får med meg både populærmusikk og nyhende. Til dømes har eg idag fått høyra at ein eller annan luring i helga stjal ein 70 cm lang krokodille frå Akvariet i Bergen. Og så høyrde eg no ikvell ein song med denne teksten i refrenget.

Idag har våren kome til Bergen! Flott sol, og litt varme. Det kan me lika. Då eg var heime i påsken var det vinter og snø. Og eg parkerte bilen fint i ei grøft så onkel Kjartan og pappa måtte samarbeida for å få den opp på vegen att. Gjørma spruta til alle kantar og vel så det. Etterpå tok pappa og Aksel Johan bilen med på tur til vaskeautomaten.

Utanom det dreier livet seg rundt matematikk og arrangering/komponering. Etter helga vil arr.ko verta byta ut med musikkorientering trur eg. Og så er det jo litt handarbeide så klart. Eg har gjort flickr kontoen min til hovudmål for bilete av handarbeida mine, for at Margot skulle få litt anna å lesa om her. Så ynskjer du å sjå kva eg strikkar og heklar og broderer og knytar, så finn du ein link i høgre kolonne.

God kveld i stua!

Let it snow!

Denne veka har me skulekonsertprosjekt. Det vil seie at me har delt klassen i 4 grupper som kvar har laga eit konsertopplegg, og onsdag, torsdag og fredag denne veka er konsertdagar der me reiser rundt på ulike skular i Bergensdistriktet og syng og spelar for elevar. Mi gruppe sin konsert har denne tittelen: "Jakten på den forsvunne G-nøkkelen - i Thorbjørn Egners verden." Det er faktisk ein ganske bra forestilling, om eg så skal seie det sjølv! Me har i alle fall vorte godt mottekne der me har vore til no.

I går hadde me fyrst to konsertar på Fridalen skule, i eit klasserom, med om lag 35 elevar frå fyrste og tredje trinn på kvar av konsertane. Så fekk me tid til ein lunsjpause før me hadde to forestillingar i ein liten hall på Landås. Men medan me spelte snødde det ute. Mykje. For mykje faktisk. Eg er den heldige utstyrssjåføren. Skulen ordna med leigebil frå stico, type stor varebil (Ford Transit - større enn pappa sin til og med!) med bakhjulsdrift. Då den var tom var det ikkje snakk om å få køyrd den ut frå parkeringsplassen ved Landås skule med 25-30 cm snø nei! Rett nok sigla den litt mot venstre, litt nærare den bilen som sto parkert ved sida av, men ikkje bakover, som var den retninga eg helst ville at den skulle røyre seg i.

Så den vart ståande. Og det vart og bussen eg gjekk på for å koma meg til Beate i Sandviken. Den køyrde inn på ein busshaldeplass nemleg. Og der var det ikkje mange nok bussar som hadde køyrd, så bussen spant. Etter 20 minutt og mange forsøk på både å tøma bussen og å stappe alle folka så langt bak i bussen som mogleg (og så var det ein mann som hadde ein kjempegod ide om at viss alle rugga fram og tilbake så skulle me nok klara å få bussen laus!), kom det ein buss som køyrde litt framanfor den me var i, så gjekk alle over i den. Så sto me i den bussen og spant i ti minutt, før ein tredje buss kom framanfor den att. I mellomtida hadde sjølvsagt mange andre bussar køyrd rakt forbi. Dei var smarte nok til ikkje å stoppa... Men me kom omsider ned til sentrum, og eg fann etter eit kvarter ein buss som gjekk vidare til Sandviken kor eg fekk varme, tørre klede og middag. Eg hadde jo ikkje akkurat kledd meg for å vera ute i og med at eg i utgangspunktet hadde bil...

Men idag ordna alt seg att. Me hadde ein konsert på Ny-Krohnborg i føremiddag (der ein tredel av dei hundre borna som var på konserten kom for å ta oss i handa og gje oss klemmar etterpå), og så fekk me henta bilen som sto på Landås og pakka alt utstyret i den. No står den parkert ved ein barnehage. Altfor stor bil til at eg vurderte å køyra den opp desse små gatene kor bilar står parkert overalt og det er slaps overalt.

Eg køyrer den bilen ganske bra faktisk! Ingen kenguruhopping eingong - det er berre å trø gassen heilt i bånn, så ordnar alt seg! Då eg køyrde Nina heim på tirsdag på desse smale vegane møtte eg sjølvsagt ein liten bil som kom imot. Og kven måtte rygga? Jo, det var nok meg det! Litt småredd der ja. Eg var veldig glad for at eg hadde folk med meg i bilen då. Så eg rygga, og bilen kom seg forbi meg og eg var veldig varm i toppen. Og litt stolt. Sjølvsagt.