http://www.dr.dk/Nyheder/Indland/2006/12/19/214556.htm

æksjen på kærmøyne

I dag morgon var det verkeleg ting som skjedde i distriktet. Ikkje veit eg kva det var, men eg var vitne til litt av kvart!

Fyrst, på veg til Trålbøteriet sto det ein ambulanse utanfor legekontoret til Rismyhr. Så på veg nordover, i rundkjøringa ved Amfisenteret sto bilane i kø i alle retningar. Ein bil sto sånn midt i rundkjøringa (ikkje oppå midten men han sperra for ein del bilar). Eg trur eg såg ein annan bil som blinka med varsellysa og. Så det hadde nok vore ein krasj.

Like etter Brekke-brekkå kom brannsjefen med blålys. På Bygnes kom ein politibil med blålys. Og sist men på ingen måte minst kom ein skinande gul ambulanse med blålys på Håvik.

kjem eg i hamn!?

Eg har ikkje tid til å gjera meg ferdig med julegåvene.

Eg og Gunn June fekk julekort av Aksel Johan. Dei har drive med finskrift på skulen, han hadde skrive "Glade jul" med blekk og penn! Det var flott. Eg hadde mest sansen for Aksel Johan si tolking av siste linja:

"Lønning iblant oss igår"



God jul!

Snart er det jul!

Det tyder at eg byrjar å få det usannsynleg travelt. Som vanleg ved desse tider har eg utallige håndarbeidsprosjekt på gong, som alle helst skal vera ferdige til juleaftan. Lukke til.

Nå er det høytid
med fest og glede
for alle; liten og for stor!
Vi feirer Jesus,
den store Kongen
som kom fra Himlen til vår jord!

Syng halleluja
av hele hjertet,
la gledesbudet runge ut!
Syng hallleluja, syng halleluja,
syng halleluja for vår Gud!

Babyland!

Denne meldingen fekk eg kl 18:13 igår frå Bjarte Mjølhus:

"Haha :p
Gjett kin som e blitt pappe da, og gjett kass kjønn d blei.. :D Joda, klumpen ligge pakkt inn i rosa teppe.. Dæ for et mirakel, me e pigede foreldre.."

Dei nybaka foreldra er Ingunn og Bjarte, dei er busett i Stavanger men kjem begge frå Karmøy. Gratulera så mykje til dykk både, og veslejenta ynskjast velkomen til verda!

Elles har eg vore på Regnbuelandet idag og. Eg passa på å vera seint ute, så eg ikkje skulle få nokon oppgåver. Hallo liksom. Kva var det eg prøvde å innbilla meg?! Det fyrste eg høyrer når eg kjem inn er "PASS DEG FÅRR HU DER!" Det er Andreas, syskenbarnet mitt som åtvarar kameraten Sveinung. Som om han ikkje visste at eg var farleg! Det veit jo alle regnbogeungane! (Regnbogeungar er eitt ord eg sjølv definerer slik: Ungar som må på Regnbuelandet kvar gong, anten dei vil det eller ikkje. Dei har ikkje noko val - i og med at båe foreldra er der.) Og både Andreas og Sveinung er regnbogeungar. Fem på 11 (Regnbuelandet byrjar kl 11.00. Ca.) var eg så lur at eg spurde nokon om kvifor det ikkje var ein PC som stod klar med alle sangane og slikt noko. Det hadde tydeleg ingen tenkt på, så den vart funnen medan eg vart sendt opp for å ta kopiar av programmet. Eg vart sjølvsagt sitjande bak PC-en for å styra EasyWorship. Noko som i og for seg var heilt i orden, sidan eg hadde høghæla sko, og det er ikkje så lett å hoppa og dansa og slikt noko med dei, så eg hadde ein grunn til å sitja i staden. Heilt greit. På gruppene hadde nokon brukt farga melis på peparkaker. Så medan alle foreldra evaluerte, gjekk ungane til åtak på restane. Anni hadde til slutt blå melis over heile den kvite strømpebuksa, Jonatan sørgde for å vaska plastposane som melisen hadde vore i medan Aksel Johan og Eline spela Mission Impossible på piano. Harald gjorde sitt beste for å terga dei resterande regnbogeungane på meg, men det var mislukka. Han endte opp med å springa rundt med ein hale av regnbogeungar sjølv. Koseleg! Eg har ein blå melis-flekk på skjørtet mitt eg og.

Off we go! G2.

Slemme Pluto?!

Starten på ein ny serie på tv2 idag: Hadesprosjektet. Basert på ei bok av Robert Ludlum. Skal vurdera å lesa den. Ordet "hades" lydde kjent i mine øyrer. Eg vreid hjernen for å finna kva for ein religion som hadde dette namnet på dødsriket. Det var ikkje norrøn mytologi. Det har eg trass alt lært mykje om dei siste dagane. Det gjeld å finna nytteverdien i sjølv merkelege adventskalenderar på fjernsynet. Så, eg sjekka wikipedia. Hades er altså den greske dødsguden. Eg var inne på noko! Det eg ikkje visste, eller eventuelt hadde gløymd/fortrengt, var at Hades også vart kalla Pluto. Det trur eg ikkje at eg hadde lyst til å vita.
For øvrig er Hadesviruset ein mutasjon av Ebolaviruset. Og helten har eit åsyn som liknar litt for mykje på ein annan som skulle redde verda frå biologisk terror. I alle fall USA. Og vi snakkar sjølvsagt USA i tilfellet Hades og. Yep. Jack.

Rosa gjenomsiktig linjalsett! Vakkert... Kva den andre kalenderen inneheldt har eg allereie gløymt så det var nok ikkje like estetisk.

Idag har eg hatt min fyrste arbeidsdag som G4S-tilsett. På ID-kortet mitt står det at eg er "ompofilerings ansvarlig". Inkje mindre enn to trykkleifar der altså. Eg har vore inne på alle kontora hjå Karmøy Lensmannskontor. Og nokre andre rom. Ein politibetjent lurte på om eg kunne ta ein svart hund med meg attende til Falken. Men det kunne eg jo ikkje!

Eg skar meg litt på venstre tommel.

Juleutgåva av Åkra Kyrkje Menighetsblad (eller kva det no heiter) er kome.

Ingunn får snart baby!!!!!!!

Vikeplikt i Åkrakrossen!?

Adventskalenderen har mykje rart innhald for tida, bileta kjem på totli.fotoknips.no. Ingen dato er fastsett for publiseringa. Eg har no to adventskalenderar. Utanom sjokoladekalenderen. Den skal eg gjera ende på neste år. Men eg har i tillegg fått ein ikkje-berre-rosa adventskalender. Med mellom anna ei dagbok i ei øskje som kan spela musikk. Men når eg får den til å spela musikk, høgt og kvinande, den fyrste strofa av Für Elise om att og om att med berre 3 eller 4 feil, får eg den ikkje til å stansa att. Då må pappa juksa litt. Så den musikken skal ikkje spelast fleire gonger.

Eg har måla pauserommet på Stemnestaden. Eg er kvit på heile den høgre armen. Stakkar. Og eg har vore på konsert for min neste med Oslo Soul Children, Skudenes Soul Children, Road Service og Maren Flotve Birkeland. Og eg har vore på konsert med Nordic Tenors. Og eg har vore på Regnbuelandet! Og ungdomsklubben. Og ikkje Royal Rangers. Og eg har lese litt. Og sortert Donald-blader. Og spela Risk. To gonger. Ein gong med aktive og ein gong med passive nøytrale hærar. Og strikka litt og perla litt. Og ikkje hatt nett på PC-en, men no har eg nett på PC-en!

Og eg har høyrt mykje på P1.

4.5.desember

Orsak! To postar vert slått saman men det skal gå greit.

Det viktigaste fyrst: I den rosa adventskalenderen min fann eg i går garn. Knallrosa sådan. Kven vil ha knallrosa ullsokkar til jul?! I dag: Babyrosa hanskar! Det var fint, for eg hadde berre knallrosa og rosa/brun-stripete frå før. Glimrings!

I går fekk eg strikkedilla. Den har fortsett til i dag. Men i dag må eg og pakke til jul. Og det er ikkje ein enkel sak! Sykkelen min som har stått ute i regn og vind og det som verre er i nokre månadar har eg no klart å setja ned i boda. Godt jobba! Kulturtime med musikklinjekoret pluss M3 i ein utvida lunsjpause på skulen idag. Gløgg!! Det var bortimot fullt! Stas! I morgon er det test i gehør og JULEFERIE!!!! Kl. 14.00 set eg meg på bussen og når eg kjem heim skal eg vera med litlebror på avslutninga til Royal Rangers på Speidarplassen. Ryktene seier at det vert grautservering.

I kveld er Greys Anatomy på fjernsynet.

Tabula Rasa

Godt nytt år!

Nei, eg har aldeles ikkje gått frå konseptene! Idag er fyrste sundag i advent, og det tyder starten på eit nytt kyrkjeår! Hurra for den! No kan du starta på nytt med Gud! Blanke ark og slikt noko. Det kan du vel kanskje kvar dag i året eigentleg, men det er noko spesielt med eit nytt år likevel. Halleluja!

Det var ein roleg sundag idag. Rannveig drog til Ytre Arna etter konserten med Senit (biletet over) og Laudate (felleskoret under) i Betlehem igår aftans.

Etter konserten (som forsåvidt Tone Underhaug spanderte på meg) gjekk me på McDonalds av di Rannveig så gjerne ville spandera ein McFlurry på meg. Og det sa eg ikkje neitakk til. Med NonStop. Og LOKK!!

Dette er Tone Underhaug.

Du ser på Mona og Gunhild.

Iallefall, sundag. Dagens adventskalendergåve:

Er det mogleg!? Fantastiske folk! Eg ynskjer meg eit slikt headset. Det var knakande fint! På innsida av coveret er det ein (tilnærma?! kor fann de den??) fagleg tekst om kva rosa støy er. Det er faktisk all musikk! (Nesten. Bach, indisk raga og Beatles kjem innanfor.) Og veldig mykje anna. (Til dømes solflekkaktivitet og veksten i årringar på tre..!!??) Diggbart! Og kvifor er det rosa? Det ligg jo mellom kvit og brun musikk, så det er jo heilt sjølvsagt!

Innhaldet:
1. Rosa sangen
2. Pink Panther
3. Rosa helikopter
4. Pink Floyd
5. Pink
6. Pink - Aerosmith
7. Rosa
8. Rosa badeball
9. Pinky and the Brain
10. Jeg er Pinky

Eg elskar Rosa Panter! Det har eg alltid gjort! Eg hadde ein stor oppblåsbar plastikkfigur av Rosa Panter då eg var liten. Han var like stor som meg.

Og så har eg hengt opp julestjerne i vindauget mitt og pynta med englar. Og vore på gudstjeneste i Norkirken. Det var maaange folk der idag og alle vart att til kyrkjekaffi og støynivået var altfor høgt.

Gud velsigne deg!

2. desember

I Rogagaten 1 har me kvar vår sjokoladekalender. Den til venstre er Rannveig sin og den til høgre er min. I midten er "Jul i Svingen"-kalenderen, den er Rannveig sin. Desse adventskalenderane skal prega kjøkkenveggen i desember. Det vil seie, min sjokoladekalender tar eg sannsynleg med meg heim til Åkra på onsdag.


Dagens adventskalenderinnhald. Det høyrer og til ein melding som tikka inn frå Signe idag tidleg:

"Å, gid jeg var en rosa elefant,
å, gid jeg var en rosa elefant.
Var jeg en rosa elefant,
da tenkte du på meg iblant,
å, gid jeg var en rosa elefant!"


Rannveig har aldri hatt sånn plakat med sånne klistremerker som du kan flytta rundt på. Så Rannveig vart overstadig lukkeleg (er det et uttrykk eg har dikta nett no?) då ho oppdaga kva som følgde med i "Jul i Svingen"adventskalenderen ho fekk igår.

Idag er det bakedag i Rogagaten 1!

1. desember

Eg har fått ein adventskalender. Ein rosa adventskalender. Utan avsendar. Takk til den/dei som har gitt meg denne, eg set stor pris på det! "Pink is not just a color it's an additude" står det på kortet.

Det eg ikkje likar er at nokon har gitt meg ein adventskalender utan at eg har hatt høve til å gje ein att sidan eg ikkje visste at den kom. Rannveig vekte meg med den idag tidleg. Det er ikkje ho. Seier ho. Og eg trur det. Så er spørsmålet: Kven er det?!

Mine logiske ressonement har for vane å ha ein logisk brest eller to, så noko slikt følgjer ikkje. Dessutan er det flaut om eg ikkje skjønar det. Kanskje. Eller kanskje var det meininga og for alt eg veit. Rannveig har gjeve meg to hint (som for øvrig ikkje hjalp det grann): "De e i alle fall nåkken så har såve hos åss, de e no heilt sikkert!" "Hadde nåkken av dei klart de åleine?"

Har du eit tips?

Eg har mine mistankar. Berre så det er sagt.

Ha ei god og velsigna adventstid alle og einkvar!!